عقارات فور يو

جودة الخدمة المُقدمة وخدمات ما بعد البيع دليل على نجاحك العقاري


  • الناشر:
  • Category:
  • نُشر بتاريخ: مارس 29, 2017
  • 1,778 total views, 2 views today

  • الكلمات الدلالية:

أكيد أي شركة عقارية، سمسار، أو وسيط عقاري، بيكون همه إنه مش بس يبيع أو يأجر العقار ده في الوقت الحالي، لكن إنه يبني جسر من الثقة والتواصل بينه وبين العملاء عشان لما يحتاجوا يشتروا أو يأجروا عقار تاني يتصلوا بيه وكمان إنهم يرشحوه لمعارفهم وأقاربهم،

عشان كده مهم إنك كشركة عقارية أو سمسار، إنك تهتم بجودة الخدمة اللي بتقدمها للعميل وخدمات ما بعد البيع. خلونا نشوف إزاي:

  • الترويج:

  • أكيد الترويج من الحاجات المهمة اللي لازم تهتم بيها وده عشان العملاء يعرفوا إن عندك عقار عايز تبيعه أو تأجره، عشان كده مهم إنك تبقى مُتواجد على كل قنوات التواصل الإجتماعي والصحف والمجلات عشان الناس تعرف بيك وبعقارك، كمان مش هننسى أهمية إنك تعرض صور للعقار وكل التفاصيل الخاصة بالمساحة والتشطيبات،
  • المصداقية والجودة:

  • أكيد كشركة عقارية، أكتر حاجة بتدور عليها هي إن العميل يثق فيك وفي كلامك عشان يجيلك تاني، فعشان توصل لـ ده يبقى لازم تكون صادق في كلامك، وعودك، وكمان مواعيد التسليم لأن دي الحاجات الأساسية اللي هيتبني عليها كل حاجة بعد كده، عشان كده ماينفعش تقول للعميل إن الشقة سوبر لوكس ولما يروح يشوفها يلاقيها مش متشطبة أصلا؛ يبقى مهم إنك تعرف حاجة العميل وإهتماماته عشان تقدر تقدمله خدمة كويسة،
  • خدمة العملاء:

  • “هي مش بيعة والسلام”. مهم إنك كشركة عقارية إنك مش بس تهتم بإنك تتمم الصفقة وخلاص، لأ، مهم إنك تتابع مع العميل بعد إستلامه العقار وتعرف إذا كان بيعاني من مشاكل ولا لأ ولو فيه مشاكل تحاول تحلهاله، لأن ده بيزود من ثقة العميل فيك وبيعرف إنك مُهتم بيه وبمصلحته. كمان مهم إن العميل لما يحتاجك ويتصل بيك عشان يسألك على حاجة أو إستشارة، إنه يلاقيك عشان مايحسش إن بعد ما بيعتله مبقيتش موجود، وده اللي بنسميه بـ “خدمات ما بعد البيع”.

الأهم من إنك تبيع أو تأجر، إن العميل يثق فيك ويكون مبسوط إنه إتعامل معاك ومن الخدمة اللي خدها.

1,778 total views, 2 views today

Related Posts