عقارات فور يو

دليل أسعار عقارات فور يو للسكن بالقاهرة الكبرى



زي ما إنتوا متعودين من عقارات فور يو إنها بتقولكوا على أي حاجة جديدة في مجال العقارات، الإستثمار العقاري، وأي مفاهيم تانية ليها علاقة بالعقارات. إنهاردة هنتكلم معاكوا على متوسط سعر المتر في أحياء القاهرة الكبرى واللي هتساعدك في إنك تختار المكان المُناسب ليك. خلونا نشوف:

مدينة الشيخ زايد

لو فكرت إنك تسكن في الشيخ زايد، يبقى أكيد إختارتها لإن فيها شبكة مواصلات ضخمة داخلية وخارجية بتوصلك وبتربطك بالقاهرة. مش بس كده، ده كمان هتلاقي هناك الخدمات والمرافق اللي هتحتاجها يعني مثلاً فيه جامعة النيل للعلوم والتكنولوجيا، مستشفى الشيخ زايد، هايبر ماركت، كريزي ووتر، وغيرها كتير من الخدمات والمرافق اللي هتلاقيها هناك.

فـ لو بتفكر تسكن خارج كمبوند ف الشيخ زايد، يبقى عندك الحى الأول، الثاني، الثالث واللي متوسط سعر المتر هناك بيتراوح من 3800 إلى 7300. أما الحي الخامس، فسعر المتر هناك حوالي 4200. مش بس كده، الحي التاسع، العاشر، والحادي عشر بيبدء سعر المتر من 3200 إلى 5100. أما لو هنتكلم عن متوسط أسعار المتر داخل كمبوند فبتبدء من 5500 إلى 10000.

6 أكتوبر

أكيد كلنا عارفين إن مدينة 6 أكتوبر فيها مرافق تعليمية، صحية، ترفيهية، وكل حاجة ممكن تحتاجها. يعني مثلاً هتلاقي مسجد الحصري، كنيسة السيدة العذراء، جامعة النيل، كلية الهندسة جامعة القاهرة، مستشفى جامعة 6 أكتوبر التعليمي، وغيرها كتير من الخدمات. أما بالنسبة لمتوسط أسعار المتر هناك، فمثلاً الحي المُتميز هتلاقي إن متوسط سعر المتر بيكون 5000، جنوب الأحياء، وصل سعر المتر فيها لـ 2800. أما حدائق أكتوبر وغرب سوميد، فالمتر هناك بيكون 2900 و 4500 بالتوازي. لكن لو حابب تسكن داخل كمبوند، فالمتر بيوصل من 5500 لـ 10000.

التجمع الخامس

أما عن أسعار المتر في التجمع، فهى متقسمة لمناطق وكل منطقة متقسمة لأحياء. يعني مثلاً منطقة الأحياء فيها التجمع الأول، الثاني، الثالث، الرابع، والخامس ودول متوسط أسعار المتر هناك بيتراوح من 6500 إلى 8000. أما منطقة الشويفات، فالمتر هناك بيبدء من 10000. كمان فيه منطقة شرق الأكاديمية وجنوب الأكاديمية ودول سعر المتر فيهم بيتراوح ما بين 6500 لـ 7000.

تابعونا عشان تعرفوا أكتر عن أسعار المتر في باقي أحياء القاهرة الكبرى.

3,221 total views, 6 views today

Related Posts