عقارات فور يو

إسكندرية يعني محطة الرمل


  • الناشر:
  • Category:
  • نُشر بتاريخ: مايو 15, 2017
  • 5,624 total views, 10 views today


إسكندرية عروس البحر الأبيض المتوسط … أول ما بنسمع إسم إسكندرية، أول حاجة بتيجي على بالنا هي الجو الجميل، الشواطئ الخلابة، وإننا نقضي إجازة الصيف هناك، عشان كده إنهاردة عقارات فور يو قررت إنها تتكلم معاكوا عن إسكندرية وجمالها وخصوصاً محطة الرمل وأهم المعالم السياحية هناك. خلونا نشوف:

محطة الرمل

محطة الرمل بتُعتبر من أشهر وأعرق ميادين الإسكندرية. أكتر حاجة بتميز محطة الرمل هي طرازها المعماري اللي بيخليك تحس إنك في مدينة أوروبية، فهتلاقي العمارات الضخمة على اللي صُممت على الطراز الفلورنسي. مش بس كده، ده كمان هتلاقي المقاهي والقصور الثقافية.

سبب التسمية

لو هنتكلم ليه محطة الرمل إتسمت بالإسم ده، فـ زمان المنطقة دي كانت صحراء جرداء وكان فيها واحات صغيرة الناس بتروح لها في موسم المطر عشان يرعوا الأغنام. فـ مع مرور الوقت تم تركيب فيها وابور أو مضخة مياة رئيسية واللي بالتدريج بدء السكان إنهم يعيشوا هناك وكمان مع الوقت ظهر أول ترام وبقيت منطقة محطة ترام الرمل منطقة ليها شهرتها.

أهم المعالم

  • الكنيسة المرقسية واللي بتُعتبر من أشهر كنائس مصر،
  • محطة ترام الإسكندرية،
  • جامع القائد إبراهيم،
  • تمثال سعد زغلول للنحات محمود مختار،
  • فندق سيسيل واللي معروف بطرازه الفلورنسي الرائع،
  • القنصلية الإيطالية،
  • منظمة الصحة العالمية،
  • مجمع سينمات زي سينما راديو ورويال،
  • شارع فؤاد من الشوارع اللي ليها تاريخها العريق هناك. مش بس كده، ده كمان هتلاقي مسارح كتيرة زي مسرح سيد درويش (دار الأوبرا).

أكيد لو بتفكر تقضي وقت في الإسكندرية، مش هتفوت على نفسك فرصة إنك تزور محطة الرمل وتستمتع بجمالها وكل المعالم اللي فيها. تابعوا عقارات فور يو عشان تعرفوا أكتر عن أهم معالم إسكندرية.

5,624 total views, 10 views today

Related Posts