عقارات فور يو

مدينتي والعاصمة الإدارية الجديدة


  • الناشر:
  • Category:
  • نُشر بتاريخ: أغسطس 1, 2017
  • 673 total views, 0 views today


وزي ما إتكلمنا قبل كده عن العاصمة الإدارية الجديدة وموقعها وإنها تُعتبر فرصة جيدة لحياة جديدة مُميزة بأحياءها الراقية وتشطيباتها الراقية وإنك بتضمن فيها حياة آمنة لأسرتك وأولادك.

فـ إنهاردة عقارات فور يو هتتكلم معاكوا عن واحدة من المُدن اللي كتير مننا مش بيفكر فيها وهى “مدينتي“. خلونا نقول إن مدينتي من المُدن اللي كتير مننا بينساها ومانعرفش كتير عنها برغم إن فيها كافة الخدمات، وسائل المواصلات، وكل حاجة تانية بنحتاجها. خلونا نشوف:

لو هنتكلم عن موقع مدينتي، فهى 20 دقيقة من العاصمة الإدارية الجديدة و 10 دقائق من الطريق الدائري الإقليمي وحوالي كيلو من الطريق الدائري الأوسطي. أما لو هنتكلم عن مدى قربها وبُعدها، فـ مدينتي على طريق السويس وحوالي 7 كيلو من طريق الإسماعيلية.

طب السؤال هنا ليه تختار إنك تسكن في مدينتي مش الرحاب؟

خلينا نقول إن مدينتي بتمتد لـ 8000 فدان يعني 4 مرات مساحة الرحاب. كمان هتلاقي مساحات خضراء كتيرة هناك. مش بس كده، ده كمان هتلاقي ملاعب جولف، أماكن ترفيهية، وحديقة مركزية اللي مش هتلاقيها في الرحاب. ده غير مجمع البنوك، المدارس الإنترناشونال، والمساجد وكنيسة كمان. كمان هتلاقي المركز الطبي العالمي اللي على بُعد 20 دقيقة، مجمع كافيهات، نادي إجتماعي، نادي رياضي، حمام سباحة أوليمبي، وكمان صيدليات زي العزبي ورشدي وفودة. كمان من أكتر الحاجات اللي بتميز “مدينتي” إنها مُقسمة، بمعنى إن منطقة الغرب عبارة عن فيلات والشرق عبارة عن عمارات، ده غير إنها من ناحية الجنوب بتكون قريبة من التجمع الخامس ومن الشمال قريبة من طريق السويس.

لكن اللي بجد بيميز مدينتي عن أي مكان تاني فهى المواصلات ومواعيد الباصات المُنتظمة سواء كانت داخلية أو خارجية. يعنى على سبيل المثال، هتلاقي 3 خطوط مواصلات منها واحد لسراى القبة، واحد للرحاب، وواحد لمدينة نصر. فطبعاً ده بيكون مُناسب جداً للطلبة والعاملين ومش هتكون محتاج حتى إنك تستخدم عربيتك. الجميل في موضوع الباصات ده كمان إن مواعيدها ثابتة يعني على سبيل المثال الباص الداخلي اللي ميعاده 5:40 ووصوله 5:55، هتلاقي إنه موجود كل يوم في نفس المواعيد دي.

فلو عايز تعرف أكتر عن مواعيد الباصات هناك، تقدر تشوف من هنا
http://madinatycityhall.com/AR/Services/Transportation

تابعوا عقارات فور يو عشان تعرفوا أكتر عن مدينتي والخدمات هناك وكل حاجة ليها علاقة بالعاصمة الإدارية الجديدة.

673 total views, 0 views today

Related Posts