عقارات فور يو

ليه مهم إنك تنتقل لـ مسكن جديد؟


  • الناشر:
  • Category:
  • نُشر بتاريخ: يوليو 4, 2017
  • 133 total views, 1 views today


من فينا مش بيفكر إنه ينقل لــ مسكن جديد ويغير مكان مسكنه سواء عشان زهقان أو عشان بس مجرد التغيير وبعدها نخش في مرحلة ازاي الاقي السكن اللي يناسبني ويا ترى إيجار ولا تمليك. بس زي ما عقارات فور يو إتكلمت معاكوا كتير قبل كده عن الإيجار والتمليك وعيوب ومميزات كل منهم،

إنهاردة قررنا نتكلم معاكوا في إن ليه أصلا الإنتقال لمسكن جديد مُهم. خلونا نشوف:

  • الإستقرار وسهولة الإنتقال: كتير مننا بيكون مُتمسك بمكان بيته القديم وبيعتبره عشرة إنه قضى فيه معظم أيام حياته وسنين عمره فبيكون صعب علينا تغيير المسكن لأي سبب كان. لكن خلونا نقول إن ساعات كتير ده بيكون سبب أو وسيلة ضغط علينا وتعب. فـ مع التطور والتوسع العمراني بنلاقي إن أماكن شغلنا أو مدارسنا أصبحت بعيدة جداً عن أماكن سكنا واللي بالتالي بيجي علينا بتعب ومجهود ووقت ضايع كتير في المواصلات والزحمة، عشان كده لو قدامك فرصة إنك تغير مكان سكنك لحاجة أحسن وتكون قريبة يبقى أكيد ماتتردتش وإختار راحتك وإستقرارك،
  • الراحة وتغيير النفسية: أكيد مُعظمنا بيحتاج لتغيير النفسية وإننا نبقى أكتر إيجابية ونخرج بره الروتين ونجدد من حياتنا عشان نقدر نكمل ونواصل. فتغيير مكان السكن والإنتقال لبيت جديد بيساعد في تجديد النشاط والحيوية وبيخليك مُقبل على الحياة لإن الواحد بيكون محتاج تغيير للظروف أو البيئة المُحطية لو حس إنها بتأثر عليه بالسلب، فعشان كده لو قدرت تغير مكان سكنك، ماتتأخرش وانتهز الفرصة في أسرع وقت لإنك أكيد لما تختار بيت تاني هيكون في منطقة أحسن من اللي كنت فيها فأكيد إنت بتدور بردو على مكان ترفع بيه مُستواك،
  • مصاريف المعيشة: من الأسباب اللي بتخلي مُعظمنا يدور على سكن جديد هو إن ممكن مصاريف المعيشة مش مُناسبة لميزانية الفرد، فعلشان كده بيلجأ كتير مننا للبحث عن مكان سكن تاني يكون مُناسب.

شاركوا مع عقارات فور يو، يا ترى فيه أسباب إيه تاني تخليك تبقى عايز تنقل لــ مسكن جديد ؟

133 total views, 1 views today

Related Posts