عقارات فور يو

يا ترى إيه العوامل المؤثرة في أسعار العقارات في المدن الجديدة؟


  • الناشر:
  • Category:
  • نُشر بتاريخ: أغسطس 13, 2017
  • 203 total views, 0 views today


خلونا نقول إن كلنا ملاحظين إن في الآونة الأخيرة، أسعار العقارات بأنواعها مُرتفعة جداً في المدن الجديدة واللي ساعات بتوصل لأرقام خرافية وده على الرغم من إن التفكير المنطقي يقول إن المدن الجديدة ما هى إلا حل لمشاكل الزحام والتكدس السكاني القاهري، فبالتالي الأسعار المفروض تكون في مُتناول الجميع. لكن اللي بنشوفه إن الأسعار مُرتفعة،

طيب خلونا نعرف إيه الأسباب المؤدية للإرتفاع ده وساعتها هنعرف إن الزيادة دي حاجة طبيعية. خلونا نشوف:

  • العرض والطلب: هنا لو سألنا نفسنا سؤال إن ليه الواحد بيقرر إنه يتجه للمُدن الجديدة، هنعرف إن العرض والطلب هو السبب الرئيسي. بمعنى تاني، إن الناس بتتجه للمُدن الجديدة عشان تهرب من الزحام وكمان عشان تلاقي كل الخدمات والمرافق وأي حاجة تحتاجها، فعشان كده ده بيُعتبر سبب أساسي وراء إن إزدياد الطلب على عقارات المُدن الجديدة بيخلي سعرها يرتفع واللي في الآخر بيرجعنا لفكرة “العرض والطلب”،
  • البنية التحتية بتاعة المكان: أكيد أحد الأسباب اللي الواحد لما بيفكر ينتقل لمُدن جديدة بيكون علشان إنه عايز مكان أحسن من اللي هو فيه ويكون بنيته التحتية ومدى توافر الخدمات فيه كويسة، فعشان كده هنلاقي إن كل ما الخدمات والمرافق بتكون مُتواجدة ومتوفرة، بيكون سعر العقار أعلى،
  • وجود جامعات ومدارس إنترناشونال: خلونا نقول إن ده سبب مُهم وحاجة ضرورية الواحد بيدور عليها في المكان اللي هيسكن فيه، وطبعاً دي حاجة بتؤدي لإرتفاع أسعار العقارات في المُدن الجديدة لإنها بيتواجد فيها مدارس، جامعات، مستشفيات، منتزهات، أماكن ترفيهية، وغيرها كتير،
  • والأهم من ده كله إن مفيش عشوائية لإن فيه تخطيط مُسبق، يعني إنت مش هتحتاج لحاجة من المُدن القديمة لإن المُدن الجديدة فيها كل حاجة إنت عايزها من خدمات ومرافق وغيرها.

وأخيراً، دلوقتي نقدر نقول إن إرتفاع أسعار العقارات في المُدن الجديدة زي مدينتي، التجمع الخامس، وأي منطقة قريبة من العاصمة الإدارية الجديدة تُعتبر حاجة طبيعية.

203 total views, 0 views today

Related Posts