عقارات فور يو

زراعة الأسطح تزيد من سعر العقار


  • الناشر:
  • Category:
  • نُشر بتاريخ: سبتمبر 20, 2017
  • 454 total views, 2 views today


وزي ما متعودين دايماً من عقارات فور يو إننا بنتكلم عن كل ما يخص العقارات والبيع والشراء، النهاردة هنتكلم عن زراعة الأسطح

واللي كتير من الناس مش واخدين بالهم منها برغم من إنها بتساهم في زيادة سعر العقار.

إنك تزرع سطح بيتك وتملاه بورود وأزهار، فده بيساعد طبعاً في تنقية الجو وإضافة لسمة جمالية للعقار، يعني خلينا مُتفقين إننا لما بنيجي نشتري أو نأجر عقار بندّور أكيد على العقار اللي يكون شكله حلو ونحس فيه بتجديد للنشاط والحيوية.

وأكيد طبعاً أما بتهتم بالشقة بتاعتك اللي عايز تأجرها أو تبيعها، فإنت كده بتزيد من سعرها مُقارنة بالشقق والعقارات التانية وبتخلي المُشتري يفضلها عن غيرها؛ لإن المُشتري مش هيكون عايز يدفع حاجة زيادة ومصاريف تشيطبات أو حاجات تجميلية بعد ما بيكون لسه دافع مبلغ الإيجار أو التمليك.

فـ خلونا نقول إن دلوقتي فيه حاجة جديدة لزراعة الأسطح اسمها “الزراعة بدون تربة” أو الزراعة المائية، ودي العلماء لاقوا إن التربة بتكون ضرورية بس لتثبيت النباتات، فعشان كده تغلبوا على النقطة دي وبقى موجود الزراعة بدون تربة واللي ساعدت في زراعة العديد من المحاصيل، الفواكه، والنباتات وده بسبب إن الزراعة بدون تربة وفرت ظروف مثالية لنمو النباتات بطريقة طبيعية. مش بس كده، ده كمان من مميزات الزراعة من غير تربة إن مفيش الآفات الزراعية اللي الواحد كان بيعاني منها في الزراعة العادية في الحقول.

وأخيراً، الزراعة بدون تربة أصبحت أحد الحلول والطرق الجديدة اللي مش بس بتخليك تزين سطح بيتك وتضيف لمسة جمالية ليه واللي بالتالي هيزيد من سعره وإنت عارضه للبيع أو للإيجار، لأ ده كمان زي ما كلنا عارفين إن النباتات في الأسطح بتمتص أشعة الشمس وبالتالي درجة حرارة البيت مش هترتفع وهتزيد من نسبة الأكسجين في الجو، مش بس كده، ده كمان هتعلم أولادك إنهم يهتموا بالنباتات وهتنمي عندهم حاسة المسؤلية.

454 total views, 2 views today

Related Posts