عقارات فور يو

تعرف منين إنك ساكن في عمارة مُخالفة ولا لأ؟


  • الناشر:
  • Category:
  • نُشر بتاريخ: سبتمبر 27, 2017
  • 342 total views, 2 views today


أكيد لما بنيجي نختار الشقة اللي هنسكن فيها بنحرص إننا نختار اللي يناسبنا سواء من حيث الأسعار، المساحة، المكان، مستوى المعيشة، وحاجات تانية كتير. لكن، خلونا نقول إن فيه حاجة مهمة محدش بيأخد باله منها وهي إن ممكن تكون هتسكن فى عمارة مُخالفة أو في أدوار عُليا ممكن تكون مخالفة لعدد أدوار المبنى المُصرح بيها؟

عشان كده عقارات فور يو هتتكلم معاكوا انهاردة عن مُخالفات المباني وكل ما يتعلق بها.

  • خلونا نقول إن قانون البناء الصادر سنة 2008، نص على إن الحد الأقصى لإرتفاع المبنى المفروض مايزدش عن متر ونص من عرض الشارع، يعني لو هنقول إن عرض الشارع 10 متر مثلاً، فإرتفاع المباني اللي هتتبني في الشارع ده المفروض ماتزدش عن 15 متر،

طب وإرتفاع المبنى نفسه بيتقاس إزاي؟ إرتفاع المبنى بيتقاس من أدنى نقطة على الواجهة إلى أعلى نقطة.

  • كمان مُهم إنك تبقى عارف إن نسبة المباني المفروض ماتتجاوزش نسبة الـ 75% من مساحة الأرض ودي حاجة تاخد بالك منها وإنت بتشتري عشان تضمن إنك ماتسكنش في مكان زحمة أو التخطيط العمراني بتاعه مش صح.

وفي الوقت الحالي مُهم إنك تعرف إن الأحياء والأجهزة المُخصصة لمنح تراخيص البناء في المدن الجديدة هي اللي بتحدد عدد الأدوار بالنسبة لعرض الشارع.

مش بس كده، عشان تطمن أكتر، مهم إنك تسأل عن الأساسيات ونسبة الخرسانة اللي تم استخدامها في البناء وده مهم في إنك بتضمن عدم إرتفاع درجة حرارة بيتك لإن الخرسانة بتمتص الحرارة على عكس الطوب.

تابع عقارات فور يو عشان تعرف كل الجديد في عالم العقارات والبيع والشراء.

342 total views, 2 views today

Related Posts