عقارات فور يو

يا ترى تسكن فين لو بتختار بين المُدن السكنية الجديدة ؟


  • الناشر:
  • Category:
  • نُشر بتاريخ: يوليو 25, 2017
  • 152 total views, 3 views today


زي ما كلنا عارفين إن التكدس السكاني الفترة دي في إزدياد مُستمر وكلنا بنعاني من الزحمة والدوشة عشان كده كتير مننا أو أغلبنا بيفكر في الخروج من القاهرة وزحمتها والإتجاه المُدن السكنية الجديدة زي 15 مايو، العاشر من رمضان، العبور، وغيرها. بس واحنا بنختار المكان الجديد اللي هنسكن فيه بيكون فيه عوامل تانية هي اللي بتحدد اختيارنا للمكان زي الخدمات اللي في المكان، متوسط سعر المتر، مستوى المعيشة هناك وغيرها من العوامل التانية اللي لازم تاخد بالك منها قبل ما تقرر تسكن فين، عشان كده عقارات فور يو قررت إنها تناقش معاكوا بعض المُدن السكنية الجديدة عشان تقدر تختار اللي يناسبك. خلونا نشوف:

مدينة بدر

لو إنت بتدوّر على المساحات الخضراء والهواء النقي وكمان مكان يكون فيه الخدمات والمرافق اللي إنت وعيلتك عايزنها زي الكهرباء، المياه، والصرف الصحي يبقى أكيد هتختار السكن في مدينة بدر وده لإن فيها كل الحاجات اللي هتحتاجها ومش هتعوّز إنك تخرج بره المدينة؛ حتى لو عايز تخلص ورق في مصلحة حكومية مش هتخرج بره المدينة،

حدائق الأهرام

أما لو أهم حاجة بالنسبالك هى الخصوصية والأمان، يبقى أكيد حدائق الأهرام هتكون أنسب اختيار ليك وده لإنها مُحاطة بسور من بره. مش بس كده، ده كمان هتلاقي مركز رياضي، حدائق، مركز طبي، مدرسة، مساجد، وكافة الخدمات اللي هتحتاجها، يعني من الآخر بنتكلم عن مُجتمع متكامل،

هليوبوليس الجديدة

لو بتحب إن كل حاجة تبقى حواليك زي النوادي، المولات، الخدمات التجارية والإدارية وفوق كل ده المساحات الخضراء، يبقى أكيد هليوبوليس الجديدة هتكون مُناسبة ليك ولعائلتك.
تابعوا عقارات فور يو عشان تعرفوا ايه تكلفة المعيشة في كل منطقة ومدى توافر المواصلات والخدمات بالنسب بتاعتها، وشاركوا معانا تحبوا تعرفوا عن مناطق إيه؟

152 total views, 3 views today

Related Posts