عقارات فور يو

تسكن في الأدوار العليا ولا الأدوار الأرضية؟


  • الناشر:
  • Category:
  • نُشر بتاريخ: أكتوبر 8, 2017
  • 1,819 total views, 7 views today


الواحد لما بيجي يأجر أو يشتري شقة بيكون فيه عوامل كتير وأساسيات بيدّور عليها في الشقة اللي هيسكن فيها عشان يكون مرتاح زي ما اتكلمنا قبل كده، لكن فيه حاجة تانية مُهمة زي الدّور اللي هنسكن فيه وياترى هل فيه أدوار الواحد المفروض يسكن فيها وأدوار تانية الواحد ممكن يعاني منها بعدين؟ عشان كده، عقارات فور يو هتتكلم معاكوا انهاردة عن مميزات وعيوب السكن في الأدوار العليا ولا الأدوار الأرضية عشان تساعدك تختار المُناسب ليك.

الأدوار العليا:

من مميزات السكن في الأدوار العليا إنك هتستمتع بالهواء الطلق لإنك  هتكون قريب من السماء، كمان هتكون بعيد عن دوشة الشارع وأصوات العربيات والباعة الجائلين. مش بس كده، ده هيكون فيه السطوح اللي هتقدر تطلع تقعد فيه وتعمل المكان المخصص ليك وتحط كراسي وترابيزة عشان تقرأ أو تذاكر أو حتى تستمتع بوقتك وبس.

أما الحاجة اللي ممكن تكون عيب في السكن في الأدوار العليا هى إن لو حصل في مرة والأسانسير عطّل هتكون مشكلة وهتضطر تطلع على رجلك والأمر هيكون صعب لو إنت مثلاً ساكن في الدور الـ 12 ولا حاجة. أما عن الجو، ففي الصيف أشعة الشمس هتكون متسلطة عليك والعكس في الشتاء والمطرة ممكن تدخل البيت والعفش يتغرق ويتبهدل.

الأدوار الأرضية:

أما لو بتفكر تسكن في دور أرضي وخصوصاً لو في شقة بتطل على جنينة، يبقى أكيد هتستمتع بالجنينة وهواها النقي اللي ممكن تقضي فيها فترة الصبح وتفطر في جو مُنعش، ده غير إنك هتترحم من السلالم والطلوع والنزول.

أما العيوب، فاللأسف بتكون قريب من الشارع يعني الدوشة داخلة بيتك، ده غير كمية التراب اللي بتدخل البيت لو إنك بتطل على الشارع. كمان الأدوار الأرضية بتكون سهلة للسرقة عشان ممكن أي حد ينط عليها ويسرقها.

عقارات فور يو حاولت إنها توضح المميزات والعيوب بتاعة السكن في الأدوار العليا والأدوار الأرضية. قولولنا يا ترى إيه المُناسب ليكوا؟

1,819 total views, 7 views today

Related Posts