عقارات فور يو

أول صندوق استثماري في مصر.. صندوق نعيم للإستثمار العقاري


  • الناشر:
  • Category:
  • نُشر بتاريخ: يوليو 17, 2017
  • 146 total views, 2 views today


صناديق للإستثمار العقاري اللي هيئة الرقابة المالية بتسعى دائماً لتطويرها ووضع التشريعات الخاصة بيها، بتُعتبر واحدة من الخطوات الجادة اللي بتساعد على النهوض بالإستثمار العقاري في مصر. خلونا نقول إن صناديق الإستثمار مش بتكون مُنحصرة فقط على المؤسسات والشركة، لأ الافراد بردو يقدروا يستفيدوا منها.

فـ لو هنتكلم عن صناديق الإستثمار في السوق العقاري المصري حالياً،

فهما صندوق نعيم للإستثمار العقاري، صندوق شركة المصريين في الخارج، وصندوق بنك التعمير والإسكان. فصندوق بنك التعمير والإسكان هو لسه تحت الإنشاء لم يتم تفعيله بعد. أما صندوق شركة المصريين فهو بيستهدف أراضي ومشروعات لسه تحت الإنشاء والتطوير واللي مطروح منها حوالي 50 مليون جنيه للاكتتاب العام.

أما صندوق نعيم للإستثمار العقاري واللي هنتكلم عنه انهارة، فـ هدفه هو الإستثمار في اصول وعقارات هي بالفعل مؤجرة والدخل اللي بيجي من وراها بيكون حوالي مليار جنيه؛ واللي حالياً مطروح منها 800 مليون جنيه للاكتتاب العام. فصندوق نعيم يُعتبر هو أول صندوق للإستثمار العقاري في مصر يقدر إنه يحصل على التراخيص اللازمة من هيئة الرقابة المالية.

خلونا نقول إن من المميزات اللي بتقدمها صناديق الإستثمار دي، هي توفير سيولة مادية أكتر للمستثمرين اللي بتسمح لهم إنهم يقدروا يستثمروا في شراء الأراضي، الشهادات البنكية، وغيرها. كمان صناديق الإستثمار العقاري دي بتفتح الفرصة للمُستثمرين بالتنوع في الإستثمارات بمعنى إن هيكون فيه استثمار في عقارات كتيرة وليس عقار واحد وده لتجنب الخسارة في وقت انخفاض الاسعار، فبكده الاستثمار هيكون في مجموعة من العقارات واللي بتكون مصدر دخل كويس للمُستثمرين.

وأخيراً، صناديق الاستثمار العقاري هي أحد الطرق الفعالة اللى بتُساهم في إنعاش الإستثمار العقاري والنهوض بإقتصاد البلاد بشكل عام.

146 total views, 2 views today

Related Posts